Hurrengo ikasturtean hizkuntzak ikasteko asmoa duzu? Hirukidetik pixka bat errazago jarri nahi dizugu!
Gure GazteBekak programaren edizio berri bat abiarazi dugu, familia ugarietako gazteei hizkuntzak ikasten laguntzeko dirulaguntzak.

Zertan datza beka?
Gure HIRUDENDETAKO batean 2025-2026 ikasturtean hizkuntza-ikastaroetan (urtekoak edo trinkoak) parte hartzen duten gazteei laguntzeko, 250 euroko 5 bekatarako deialdia egiten da.
Ikastaroaren kostua 250 €-tik beherakoa bada, laguntza ikastaroaren benetako zenbatekora egokituko da. Ikastaroa amaitu eta gutxieneko bertaratzea egiaztatu ondoren ordainduko da beka.

Nork eska dezake?
Gazte Beka eskuratu ahal izateko, baldintza hauek bete behar dira:

- Hirukideko bazkide izatea eta erakundearekiko ordainketak egunean izatea.
- 2001eko urtarrilaren 1etik 2011ko abenduaren 31ra bitartean jaioa izatea.
- 2025-2026 ikasturtean HIRUDENDA batean hizkuntza-ikastaro batean matrikulatuta egotea.
- Ikastaroko orduen % 80ra gutxienez joan izana.
- Familia-unitateak 40.000 € baino gehiagoko FErik ez izatea (Familia Errenta Estandarizatua).
(Adibidez, urtean 108.000 €-ko diru-sarrera gordinak dituzten bi guraso eta lau seme-alaba dituen familia batek 40.000 €-ko FEa izango luke).

Nola eskatzen da?
Interesdunek eskabide-orria bete beharko dute.

Zein da eskaera egiteko epea?
Eskaerak aurkezteko epea 2026ko ekainaren 30ean amaituko da.

Esleitzeko irizpideak
Eskuragarri dauden bekak baino eskaera gehiago jasoz gero, FEren goranzko ordenan esleituko dira, eta lehentasuna emango zaie Familia Errenta Estandarizatua txikiena duten familiei.
Berdinketarik izanez gero, eskaera aurkezteko hurrenkera hartuko da kontuan. Gainera, lehentasuna emango zaie aurreko edizioetan onuradun izan ez direnei.

Emaitzak jakinaraztea
Emaitzak posta elektronikoz jakinaraziko dira 2026ko uztailaren 14a baino lehen. Bekaren sarrera jakinarazpenaren ondorengo 15 egunetan egingo da.

Kontsulta itzazu oinarri osoak hemen.